Vazirlar Mahkamasining Toshkent shahrida “Xavfsiz shahar” integratsiyalangan tizimni yaratish bo‘yicha investitsiya loyihasini amalga oshirish chora-tadbirlari to‘g‘risidagi qarori e’lon qilindi.

Qaror bilan 2020 yil oxiriga qadar Toshkentda videokuzatuv kameralari, ekodatchiklar, “aqlli” svetoforlar o‘natiladi.

Loyiha poytaxtda “Xavfsiz shahar” integratsiyalangan tizimni yaratish doirasida AKT vazirligi, Toshkent shahar hokimligi, IIV, Davlat ekologiya qo‘mitasi tomonidan amalga oshiriladi.

Davlat organlari, shu jumladan, yo‘l harakati xavfsizligi va jamoat tartibini saqlashni boshqarishning mavjud kompyuterlashtirilgan tizimi hamda boshqa tashkilotlarning axborot tizimlari mazkur tizim bilan bog‘lanadi.

shuningdek, yoʻl harakati qoidalari buzilish holatlarini foto-video qayd qilish, turar joylar va ijtimoiy ahamiyatli obektlar monitoringini olib borish, avtomobil turar joylari va toʻxtash joylarini tartibga solish, shuningdek, ekologik nazorat tizimlari joriy etiladi.