Hafta yakuni: ko‘chmas mulk bozori, yil yakunlari hamda 2023-yilda kutilayotgan Oʻzbekiston qonunchiligidagi oʻzgarishlar

2023-yilda O‘zbekistonda qanday o‘zgarishlar kutilmoqda

QQS stavkasining tushirilishi, yangi tahrirdagi “Mehnat kodeksi"ning kuchga kirishi, tadbirkorlarga beriladigan imtiyoz va yengilliklar — “Spot” muhim o‘zgarishlarni bir joyga jamladi.

Onlayn firibgarlikning besh turi — ularni qanday aniqlash mumkin

“Spot” onlayn firibgarlik holatlari, ularni rasmiy xabarlardan qanday ajratish mumkinligi hamda aldanib qolmaslik uchun nima qilish kerakligi haqidagi ma’lumotlarni jamladi.

Yil yakunlari: O‘zbekiston tadbirkorlari tomonidan tavsiya etilgan 5 ta kitob

Roʻyxatga badiiy adabiyotlar, avtobiografiyalar va shaxsiy oʻsish hamda biznesni rivojlantirishga oid kitoblar kiritilgan.

Yil yakunlari: 2022-yilda qaysi kompaniyalar rebrending qildi

“Spot” joriy yilning eng hayratlanarli holatlarini eslab, qaysi kompaniyalar rebrending o‘tkazgani va natijalar haqida ma’lumot to‘pladi.

Yil yakunlari: ko‘chmas mulk bozori qanday o‘zgardi va 2023-yildan nima kutishimiz kerak?

Soha mutaxassislari 2022-yil voqealari ko‘chmas mulk sektoriga qanday ta’sir qilgani, bozor ishtirokchilari qanday qiyinchiliklarga duch kelgani va kelgusi yilda nimalar kutish kerakligi haqida so‘zlab berdi.

Haftaning asosiy yangiliklari

1. Termiz xalqaro aeroporti rekonstruksiyadan so‘ng ishga tushdi. Mazkur majmuani qurish loyihasi 550 mlrd so‘mga baholanmoqda. Hozir 377 mlrd so‘mlik ishlar bajarilgan.
2. Yil yakunlari: 2022-yilda eng ko‘p pul yo‘qotgan xorijiy kompaniyalar. “Yahoo! Finance” tahliliga ko‘ra, “Apple”, “Microsoft”, “Tesla” va “Meta” kompaniyalari joriy yilni moliyaviy zarar bilan tugatmoqda.
3. “Hi-Tech Bank” litsenziyasini qaytarib olish uchun sudga murojaat qildi. Avvalroq Markaziy bank tomonidan mazkur bankning faoliyatini amalga oshiruvchi litsenziyasi qaytarib olingandi.
4. Sinov tariqasida 14 ta tumanda “Mahalla budjeti” tizimi joriy etiladi. Ro‘yxat. Mazkur tumanlarda mol-mulk va yer solig‘i bo‘yicha undirilgan mablag‘larning 10%i tegishli jamg‘armalarga yo‘naltiriladi.
5. Biologiya bo‘yicha Yaponiyada o‘tkaziladigan amaliyot dasturiga arizalar qabul qilinmoqda. Ishtirokchilarga turar joy va aviachipta xarajatlari qoplab beriladi hamda $1800 miqdorida stipendiya ajratiladi.
6. O‘zbekistondagi ikkilamchi avtomobil bozori: narxlari, holati va yurgan masofasi. Unda yetakchilikni mahalliy avtomobillar tashkil etib, eng ko‘p sotilayotgan avtomobillar qatorida “Lacetti”, “Cobalt”, “Spark” hamda “Damas” kabilar mavjud.
7. Regulyator “Smart Bank"ga bank faoliyatini amalga oshirish huquqini beruvchi litsenziya berdi. Bu bilan, mazkur bank Oʻzbekistonda faoliyat olib boruvchi 32-bank boʻladi.
8. Xitoy universiteti magistratura va PhD uchun grant dasturiga arizalar qabul qilmoqda. Talabalar o‘qish to‘lovidan ozod etilib, turar joy hamda $500gacha oylik stipendiya bilan ta’minlanadi.
9. Markaziy banklar 55 yil ichida rekord miqdorda oltin sotib oldi. Eng yirik xaridorlar Xitoy va Rossiya bo‘lib, ular orasida O‘zbekiston va Turkiya ham bor.
10. Prezident farmoni bilan yangi tayinlovlar amalga oshirildi. Unga ko‘ra, kambag‘allikni qisqartirish va bandlik vaziri hamda iqtisodiyot va moliya vaziri lavozimiga yangi nomzodlar tayinlandi.