Oilaviy tadbirkorlikni rivojlantirish dasturlari yagona elektron platformasi orqali imtiyozli kredit olish uchun onlayn ariza qabul qilish boshlandi.
Imtiyozli kredit quyidagi maqsadlarda ajratiladi:
- oilaviy tadbirkorlik;
- baliqchilik;
- dehqon xo‘jaliklari;
- hunarmandchilik.
Kreditlar yillik 14% stavkada jismoniy va yuridik shaxslarga hamda yakka tartibdagi tadbirkorlarga beriladi.
Shuningdek, oilaviy tadbirkorlik uchun 6 oygacha, baliqchilik uchun 1 yilgacha, dehqon xo‘jaliklari va hunarmandchilik uchun 3 yilgacha imtiyozli davri mavjud.
Kredit olish uchun onlayn ariza qoldirish kerak hamda platformani o‘zida kreditlarni hisoblash imkoniyati mavjud.
Arizalarni havola orqali jo‘natish mumkin. Batafsil ma’lumot bu yerda.
2022-yilning yetti oyida platforma orqali aholi va tadbirkorlarning 250 mingdan ortiq loyihalariga jami 6 trln so‘m kredit ajratilgandi.
