Avvalroq Shavkat Mirziyoyev elektron tijoratni rivojlantirish chora-tadbirlarini tasdiqlagani haqida xabar berilgandi. Bond omborlari orqali bir qator import tovarlarni sotish uchun QQS va bojxona bojlari solishning alohida tartibi joriy etilmoqda.
Prezident qarori bilan 2030-yilgacha O‘zbekistonda onlayn savdoning yillik hajmini 30 trln so‘mga yetkazish va 7500 dan ortiq yangi ish o‘rni yaratish maqsad qilingan. Sohada $300 mlnlik investitsiya loyihalarini amalga oshirish rejalashtirilgan.
Xususan, farmatsevtika tarmog‘ida internet orqali sotish rivojlantiriladi. Istiqbolli loyihalar milliy agentligi va Sog‘liqni saqlash vazirligiga iyul oyi o‘rtalariga qadar dorixonalar va dorixona tarmoqlarida onlayn savdoni joriy etish bo‘yicha takliflar ishlab chiqish topshirildi.
Tashabbuslar har bir dorixonada marketpleyslardan onlayn buyurtmalarni berish punkti bo‘lishini nazarda tutishi kerak.
Shuningdek, farmatsevtika sohasida kuryerlik xizmatlari uchun qo‘shimcha shartlarni belgilash vazifasi qo‘yilmoqda.
Gap dorilar qadog‘ini ochish va maxsus haroratni talab qiladigan dorilarni termokonteynerlarda tashishni taqiqlash haqida bormoqda.
Avvalroq Spot dorilarni retsept asosida sotish tartibini buzganlik uchun jarimalar oshirilgani haqida yozgandi.
Tarkibida kuchli ta’sir qiluvchi moddalar mavjud bo‘lgan dorilarni retseptsiz sotish 123,6 mln so‘mgacha jarimaga yoki 5 yilgacha ozodlikdan mahrum qilishga sabab bo‘ladi.
