Bugungi kunda Motorola smartfonlari yangi model bilan to’ldirildi: kompaniya Motorola One Vision’ni rasman taqdim etdi.
Smartfon 6,3 dyuymli CinemaVision LCD displeyga ega (21: 9 nisbatdagi ekranlar kinematografik deb ataladi).
Bundan tashqari, ushbu displey 25 megapikselli kamera uchun yumaloq “o'yiq"ga ega.
Ishlab chiqaruvchi Qualcomm va MediaTek chiplarini ishlatmadi va smartfonga Samsung tomonidan ishlab chiqarilgan Exynos 9609 protsessorini o’rnatdi. Platformada to’rt dona 2.2 gigagertsli ARM Cortex-A73 yadrosi va yana to’rtta 1.7 GGs chastotali ARM Cortex-A55 chiplari mavjud.
Operativ xotira hajmi 4 Gb, ichki xotira hajmi esa — 128 Gb, batareya quvvati 3500 mA/soat, lekin 15 vattli tezkor quvvatlagichga ega.
Motorola One Vision’ning asosiy kamerasi ikkita: birinchi sensor — optik tasvir barqarorligi tizimiga (f / 1.7) ega 48 Mp, ikkinchi — sahna chuqurligini (f / 2.2) tahlil qilish uchun 5 Mp. Sun’iy intellekt funksiyalari va Night Mode rejimi mavjud.
Barmoq izlari skaneri orqa panelning tovar belgisi ostida yashiringan.
Motorola One Vision 299 yevroga baholanadi, ammo birinchi xaridorlarga 130 yevroga teng Motorola Verve Earbuds quloqchinlari sovg’a qilinadi.
