28-oktyabr kuni Toshkentda IT Alliance uyushmasining ONESEC kompaniyasi bilan hamkorlikda tashkil etgan 12-biznes-nonushtasi bo‘lib o‘tadi. Uchrashuv kiberrazvedka hamda biznesni proaktiv himoya qilishning zamonaviy yondashuvlariga bag‘ishlanadi.
Tadbirda Dmitriy An spiker sifatida ishtirok etib, OneTI Threat Intelligence mavzusida taqdimot qiladi.
Ishtirokchilar OneTI Threat Intelligence platformasi imkoniyatlari bilan tanishadilar, shuningdek, kibertahdidlarni o‘z vaqtida aniqlash, xavf-xatarlarni baholash va ehtimoliy hujumlarning oldini olish yo‘llarini o‘rganadilar. Qaror qabul qilish va kompaniyalarning raqamli infratuzilmasini himoya qilishda kiberrazvedka ma’lumotlaridan foydalanish masalasiga alohida e’tibor qaratiladi.
Taqdimotdan so‘ng savol-javob sessiyasi hamda IT sohasi vakillari bilan ishbilarmonlik netvorkingi o‘tkaziladi.
Tadbirda oldindan ro‘yxatdan o‘tish orqali ishtirok etish mumkin. Joylar soni cheklangan.