O’zbekiston hukumati tomonidan davlat istiqbollari ostidagi suveren obligatsiyalarni ilk joylashtirilishida foiz stavkalari olindi. Bu haqda 19 fevral kuni Toshkentdagi Fitch Ratings xalqaro konferensiyasida so’zga chiqqan bosh vazirning birinchi o’rinbosari — moliya vaziri Jamshid Qo’chqorov ma’lum qildi.
U O’zbekiston besh yillik obligatsiyalari 4,75%, o’n yillik obligatsiyalari — 5,375% ga joylashtirganini ta’kidladi.
“Bu juda arzon. Bunday foizlar bilan xususiy investorlar bizning istiqbolimizni yaxshi deb baholadilar. Men kelgusi rivojlanish uchun ikkita asosiy shartni qayd etmoqchiman [xalqaro moliya bozoridagi mamlakatlar]. Birinchidan, biz doimiy ravishda reyting agentliklari bilan birgalikda ishlashimiz kerak. Ikkinchidan, [xalqaro] bozorga chiqish uchun tijorat banklari va yirik kompaniyalarni tayyorlashimiz kerak”, — dedi Moliya vaziri.
Vazirning aytishicha, yil davomida ikki tijorat banklari xalqaro bozorga chiqishadi, biroq qaysi banklar ekanligiga aniqlik kiritilmadi. Uning so’zlariga ko’ra, keyingi yil, ehtimol, banklarga qo’shimcha ravishda, yirik kompaniyalar chet elda pul mablag’larini jalb qilishni boshlaydilar.
Bosh vazir o’rinbosari O’zbekistonning suveren reytingga ega bo’lganiga ham izoh berdi:
“Biz [xalqaro kapital] bozorga chiqishni mablag' jalb qilish manbalarini diversifikatsiya qilish sifatida ko’rib chiqmoqdamiz. Shu bilan birga, bu iqtisodiyotimizga yordam berishiga ishonamiz. Yevroobligatsiyalarni joylashtirish birinchi navbatda reytingga ega bo’lish hisoblanadi. Reytingni olish esa — moliyaviy sog’lik demakdir”, — dedi vazir.
Shuningdek, u mamlakat hukumati “Fitch Ratings” tomonidan O’zbekistonga berilgan “BB-” suveren reytingiga ko’ra, uni faqat dastlabki bosqich deb hisoblaydi:
“Olingan bahoni chetdan olingan obyektiv baho sifatida qabul qilamiz va vaqt o’tishi bilan biz yuqori reytinglarni olamiz deb umid qilaman. Bularning barchasi, birinchi navbatda, qanday ishlashimizga bog’liq. Baho olish — bu bir martalik hodisa emas. [respublikani rivojlantirish uchun] Doimo ishlashimiz kerak, — dedi Jamshid Qo’chqorov.
So’zining yakuni sifatida moliya vaziri suveren reytingni olish eng asosiy maqsad emasligini ta’kidladi. Mamlakat doimo xalqaro moliya bozorlarida munosib o’rin egallashi kerak.
Ilgari Spot O’zbekiston AQSh g’aznachiligining qimmatli qog’ozlarini sotib olishni rejalashtirayotgani haqida xabar bergan edi.
