Vazirlar Mahkamasining “Yo‘lbo‘yi va turistik infratuzilmani yanada rivojlantirish chora-tadbirlari to‘g‘risida"gi qarori e’lon qilindi.

Qaror bilan O‘zbekistonda 2020 yil 1 sentyabrga qadar namunaviy avtomobillarga yoqilg‘i quyish shahobchalari barpo etiladi.

Ular savdo, maishiy xizmat ko‘rsatish, tez ovqatlanish shahobchalari va bepul Wi-fi zonalari, shuningdek, sanitariya-gigiyena shahobchalari bilan jihozlanadi.

Shunindek, qarorga muvofiq, 2020 yil 1 martdan boshlab jamoat maqsadlariga mo‘ljallangan va kecha-kunduz ishlaydigan, sanitariya va shaharsozlik normalari va qoidalariga javob beradigan sanitariya-gigiyena shahobchalari bilan jihozlanmagan yoqilg‘i quyish shahobchalari faoliyat ko‘rsatishi taqiqlanadi.

Zarurat bo‘lganda 2019 yil 20 noyabrga qadar avtomobillarga yoqilg‘i quyish shahobchalariga sanitariya-gigiyena shahobchalarini qurish uchun yer ajratiladi.