Biznesni rivojlantirishga ko‘maklashuvchi JV Team platformasi bosim va murakkab muloqot sharoitida ishlashga bag‘ishlangan “Qora raund: murakkab muzokaralar” nomli trening o‘tkazadi.
Dastur muzokaralarni ishonch bilan olib borishi, o‘z manfaatlarini himoya qilishi va manipulyatsiyalarga qarshi turishi muhim bo‘lgan mutaxassislar hamda tadbirkorlarga mo‘ljallangan. Ishtirokchilar dalillarni shakllantirish, e’tirozlar bilan ishlash va keskin vaziyatlarda muloqotni boshqarish yondashuvlarini tahlil qiladilar.
Trening amaliy mashg‘ulotlarni o‘z ichiga oladi: bosim turlarini tahlil qilish, muzokara ssenariylarini ishlab chiqish, muloqotning psixologik jihatlari bilan ishlash, shuningdek, o‘z pozitsiyasida turish va manipulyatsiyalarni bartaraf etish usullari.
Mashg‘ulotlar faol ishtirok, guruhlarda ishlash va real keyslarni tahlil qilish shaklida o‘tkaziladi.
Treningni biznes-trener, psixolog va kouch Vladimir Dyakov olib boradi. U muzokara texnologiyalari bo‘yicha jahon chempionatlarining hakami va “Eng yaxshi hakam” mukofoti sohibidir.
Tadbir 23−24-may kunlari soat 09:00 dan 21:00 gacha bo‘lib o‘tadi. Batafsil ma’lumot olish va ishtirok etish uchun tashkilotchilar bilan bog‘lanish zarur.