7-may kuni Toshkentdagi C-Space Yunusobod makonida Lovable Founder Series uchrashuvi bo‘lib o‘tadi.
Lovable — bu vayb-koding platformasi bo‘lib, uning atrofida dasturchilar va startapchilar uchun bir qator oflayn uchrashuvlar shakllanadi. Bunday tadbirlar turli mamlakatlarda o‘tkazilib, tajriba darajasi turlicha bo‘lgan — endi boshlovchilardan tortib tajribali mutaxassislargacha bo‘lgan ishtirokchilarni birlashtiradi.
Uchrashuv formati loyihalar ustida norasmiy muhitda birgalikda ishlashni nazarda tutadi. Ishtirokchilar o‘z g‘oyalari bilan kelib, uni sinab ko‘rishlari, takomillashtirishlari va shu jarayonning o‘zida boshqa qatnashchilar bilan muhokama qilishlari mumkin.
Uchrashuv davomida loyihaning demosini ko‘rsatish, fikr-mulohazalar olish va boshqa ishtirokchilar bilan tajriba almashish imkoniyati bo‘ladi. Shuningdek, tashkilotchilar loyihalarni boshlash uchun kreditlar ham taqdim etadi.
Tadbir soat 16:00 dan 19:00 gacha davom etadi. Ishtirok etish bepul, buning uchun havola orqali oldindan ro‘yxatdan o‘tish kerak.