10-may kuni tadbirkor va Balanced Beauty go‘zallik-riteyl xoldingi hammuassisi Gleb Zingerman riteyl vakillari hamda tadbirkorlar uchun biznes-nonushta o‘tkazadi.
Spiker 15 yildan ortiq vaqtdan beri riteyl va go‘zallik sanoati sohasida faoliyat yuritib keladi hamda Markaziy Osiyo va MDHda xalqaro brendlarni rivojlantirish bilan shug‘ullanadi. Balanced Beauty xoldingi portfeliga L’Occitane, Elemis, Geske, Sultane de Saba, Omorovicza, Grown Alchemist va boshqa brendlar kiradi.
Uchrashuv mavzusi — Franshiza vs. xalqaro brendlar distributsiyasi: real keyslar asosida muvaffaqiyat va muvaffaqiyatsizliklar.
Ishtirokchilar xalqaro brendlar bilan ishlashning o‘ziga xos jihatlarini, riteyl va distributsiya modellari o‘rtasidagi farqlarni, premium-segmentda mijozlarga xizmat ko‘rsatishni, shuningdek, sohadagi xatolar va amaliy keyslarni muhokama qiladilar.
Tadbir soat 11:00 da bo‘lib o‘tadi. Ishtirok etish narxi — 300 000 so‘mdan boshlanadi. Ishtirok etish uchun oldindan ro‘yxatdan o‘tish talab qilinadi.