O‘zbekistonda dollar kursi yana ko‘tarildi. Bu haqda Markaziy bank ma’lumotlaridan ma’lum bo‘ldi.
1-iyundan amal qiladigan Amerika valyutasining rasmiy kursi 12 001,94 so‘m etib belgilandi. Savdo kuni davomida kurs 4 so‘m 11 tiyinga oshdi.
Valyutalar kursining o‘zgarish dinamikasi hamda banklardagi valyuta kurslari bilan batafsil bu yerda tanishish mumkin.
2026-yilning yanvar-aprel oylari yakunlariga ko‘ra, o‘zbek so‘mi dollarga nisbatan biroz mustahkamlandi. Aprel oyida milliy valyuta dollarga nisbatan 235,92 so‘mga yoki 1,93% ga oshib, 11 974,79 so‘mni tashkil etdi.
Oyning birinchi yarmida kurs 12 200 so‘m atrofida edi. Biroq, ikkinchi yarmida milliy valyuta 200 so‘mdan ko‘proqqa mustahkamlandi va 19-yanvardan beri birinchi marta 12 000 so‘mga yetdi.
Yil boshidan buyon milliy valyuta dollarga nisbatan 0,42% ga yoki 50 so‘mdan ko‘proqqa mustahkamlandi. 2025-yil yakunlariga ko‘ra, dollar kursi nominal hisobda 6,9% ga pasaydi.
Avvalroq Spot banklardan $500 gacha valyutani pasportsiz xarid qilishga ruxsat berilgani haqida yozgandi. Hozirgi limit $100 ni tashkil etadi, o‘zgarishlar 3 oydan keyin kuchga kiradi.
