26−27-sentyabr kunlari Toshkentda Jolbors Festival’ning 15 yillik yubiley tadbiri bo‘lib o‘tadi.
O‘tgan yillar davomida festival Markaziy Osiyodagi marketing, reklama, brending, kreativ sanoat va kommunikatsiyalar sohasi mutaxassislari uchun eng yirik maydonlardan biriga aylandi.
Dasturdan Yaponiya, Niderlandiya, Janubiy Koreya, Ispaniya, Tayvan, Singapur, Filippin, Tailand, BAA va boshqa mamlakatlardan kelgan amaliyotchi mutaxassislarning chiqishlari o‘rin olgan. Shuningdek, ishtirokchilarni professional muloqot, yangi biznes tanishuvlar va sohaning dolzarb tendensiyalari muhokamasi kutmoqda.
Mintaqaning eng yaxshi marketing va kreativ loyihalarini e’tirof etuvchi Jolbors Awards International xalqaro mukofoti g‘oliblarini taqdirlash marosimi festivalning asosiy voqealaridan biri bo‘ladi.
Chiptalar sotuvda. 21-iyungacha erta ro‘yxatdan o‘tish tarifi bo‘yicha maxsus narx amal qiladi.