“O‘zbekneftgaz” tasarrufidagi Sho‘rtan gaz kimyo majmuasi talabalar uchun stipendiya dasturini e’lon qildi. Bu haqda majmua matbuot xizmati xabar berdi.
Unda Qarshi muhandislik-iqtisodiyot institutining 4-bosqich talabalari ishtirok etishi mumkin. Imtihonlar joriy yilning 5-dekabr kuni o‘tkaziladi.
Stipendiya dasturida quyidagi yo‘nalishlar bo‘yicha ishtirok etish mumkin:
- Issiqlik energetikasi;
- Elektr energetikasi;
- Texnologik mashinalar va jihozlar;
- Texnologik jarayonlar va ishlab chiqarishni avtomatlashtirish va boshqarish;
- Yuqori molekular birikmalar;
- Neft va neft-gazni qayta ishlash texnologiyasi.
Dastur bir necha bosqichda amalga oshiriladi va har bir bosqich imtihon natijalari majmuaning rasmiy sayti va “Telegram"dagi kanali orqali e’lon qilib boriladi.
G‘olib bo‘lgan talabalarga 2023−2024 o‘quv yili yakunigacha stipendiya to‘lab boriladi.
Dastur haqida batafsil bu yerda ma’lumot olish mumkin.
Joriy yilning sentabrida “Uzbekistan GTL” kompaniyasi tomonidan talabalar uchun beshinchi “GTL stipendiyalar dasturi” e’lon qilingandi.
