O’zbekistonda quyosh elektr stansiyasi qurish uchun qiziqish ortib bormoqda

Surxondaryo viloyatining Sherobod tumanida kamida 200 MVt quvvatga ega quyosh elektr stansiyasi quriladi. Loyihani amalga oshirishga 54 ta xalqaro kompaniya qiziqish bildirdi.

Auksionning yakuniy bosqichiga quyidagi mashhur kompaniyalar kirishdi:

• Masdar (BAA) e’lon qilgan quvvat 457 MVt, 1kVt.s uchun $0,018;
• Jinko Power (Xitoy) — 500 MVt, 1kVt.s uchun $0,022;
• ACWA Power (Saudiya Arabistoni) — 354 MVt, 1kVt.s uchun $0,025;
• Total Solar (Fransiya) — 400 MVt, 1kVt.s uchun $0,034.

Tanlov g‘olibi moliyaviy takliflar baholangandan so‘ng e’lon qilinadi.

Ushbu loyiha OTB ko‘magi bilan amalga oshirilayotgan umumiy quvvati 1 GVt bo‘lgan quyosh elektr stansiyalarini qurish dasturining bir qismi. Dastur 2030 yilga qadar mamlakatda 5 GVtgacha ekologik toza energiya ishlab chiqarish strategiyasining muhim tarkibiy qismlaridan biri hisoblanadi.

Avvalroq Spot,ACWA Power, Masdar O’zbekistonda amalga oshirayotgan loyihalari haqida xabar bergan edi.