24-noyabrdan boshlab “Uzbekistan Airways” Namangandan Orenburgga qatnovlarni tiklamoqda. Bu haqda aviakompaniya matbuot xizmati xabar bermoqda.
Mazkur yoʻnalishdagi parvozlar haftaning payshanba kunlari quyidagi jadvalga muvofiq amalga oshiriladi:
- Namangandan uchish 21:25 — Orenburgga yetib borish 00:30;
- Orenburgdan uchish 02:30 — Namanganga yetib borish 05:20.
Bir tomonga aviachiptalar narxi 1,6 mln so‘mdan, Namangan-Orenburg-Namangan yo‘nalishi bo‘yicha esa 3 mln so‘mdan boshlanadi.
Avvalroq “Jazeera Airways” aviakompaniyasi Quvayt-Namangan yo‘nalishi bo‘yicha parvozlarni amalga oshirishi haqida ma’lum qilgandi.
Shuningdek, “FlyDubai” aviakompaniyasi ham 24-sentabrdan Namanganga aviqatnovlarni yo‘lga qo‘yayotgani xabar berilgandi.
“Spot” avvalroq “Utair” aviakompaniyasi Moskvadan Samarqandga parvozlar sonini oshirishi haqida yozgandi.
