E’tibor qarating: ma’lumotlar faqat nashr etilgan vaqtdagina aktual hisoblanadi. Aniq ma’lumotga ega bo‘lish uchun “Spot” toʻgʻridan-toʻgʻri bank bilan bogʻlanishni tavsiya qiladi.
“Spot” Oʻzbekiston banklaridagi boshlangʻich toʻlovsiz avtokreditlar haqida ma’lumotlarni toʻpladi.
Hozirda mavjud 32 ta bankdan 5 tasida bunday turdagi avtokreditni rasmiylashtirish mumkin.
Kreditlar bir yildan besh yilgacha muddatga, 24%dan 28%gacha stavkada taqdim etiladi.
Mazkur kredit turi faqat jismoniy shaxslarga birlamchi bozordan avtomobil xarid qilish uchun beriladi.
Kerakli hujjatlar:
- pasport (kafilniki ham);
- kadastr hujjati;
- rasmiy daromad haqida ma’lumot;
- avtosalondan shartnoma.
Roʻyxat alifbo tartibida tuzilgan va banklarni tartiblamaydi. Ma’lumotlar banklarning rasmiy saytlari va call-markazlaridan olindi.
| Bank nomi | Foiz stavkasi | Muddati | Imtiyozli davr | Garov |
| “Aloqabank” | 24%-25% | 4 yil — 5yil | 6 oy | turar yoki noturar joy |
| “Asia Alliance Bank” | 24%-28% | 1 yildan 4 yilgacha | yoʻq | sotib olinayotgan avtomobil |
| “Davr Bank”* | 27,99% | 4 yilgacha | yoʻq | sotib olinayotgan avtomobil |
| “Ipak Yoʻli Banki” | 23,99% | 1 yildan 5 yilgacha | yoʻq | 3 yoshdan katta boʻlmagan avtomobil, noturar joy |
| “Saderatbank”** | 26%-28% | 4 yilgacha | yoʻq | avtomobil sugʻurta polisi |
*Boshlangʻich toʻlovsiz avtokredit faqatgina rasmiy daromad mavjud boʻlganidagina taqdim etiladi.
**Avtokredit uchun murojaat qilgan jismoniy shaxs rasmiy daromadi kamida 10 mln soʻm boʻlishi kerak.
