“My Freighter” yuk aviakompaniyasining yangi Boeing 767 samolyoti Toshkent xalqaro aeroportiga yetib keldi, deya xabar berdi “Tashkent Sky News” Telegram kanali.
“Planespotters.net” ma’lumotlariga ko‘ra, “My Freighter” yuk tashuvchisining havo floti beshta samolyotdan iborat: 3ta Airbus A320, bittadan Boeing 767 va Boeing 747. Vashington chekkasida ishlab chiqarilgan Boeing 767−300 samolyotining yoshi 22 yildan oshadi.
Samolyot Boeing 767 yuk samolyotlarining yirik borti Amerikaning “Cargo Aircraft Management” kompaniyasidan lizingga olingan.
2001-yildan 2012-yilgacha samolyot “Air Seychelles” aviakompaniyasi tomonidan boshqarilgan. Keyin bir necha yil davomida samolyot “Kenya Airways” tomonidan foydalanilgan.
Samolyotning oxirgi operatori “Air Canada Rouge” bo‘ldi. 2022-yilning noyabr oyidan buyon samolyot Singapurda, shu bilan birga, bir nechta Amerika aeroportlarida bo‘lgan.
“My Freighter” 2019-yilning oxirida tashkil etilgan. Kompaniya taʼsischilari Hafizjon G‘ofurov va Abdulaziz Abdurahmonov hisoblanadi. Oldin “Uzbekistan Airways"ning charter reyslarida parvozlarni amalga oshirgan.
O‘tgan yilning oktabrida “My Freighter” aviakompaniyasi o‘zining birinchi Boeing 747−200 samolyotini sotib oldi. Tashuvchi yaqin kelajakda yana 5ta 747 turdagi yuk kemalarini olishni, besh yil ichida esa aviaparkni 20ta samolyotga yetkazishni rejalashtirgan.
Avvalroq “Air Samarkand” xususiy aviakompaniyasi birinchi Airbus A330 samolyotini qabul qilgani haqida xabar berilgandi.
