Toshkentning to‘rtta tumanidagi ayrim hududlarda tabiiy gaz yetkazib berish vaqtincha to‘xtatiladi. Bu haqda Hududgaz poytaxt matbuot xizmati xabar berdi.
4-aprel kuni ta’mirlash ishlari sabab Shayxontohur, Olmazor va Sergeli tumanlarining belgilangan hududlariga soat 11:00 dan 18:00 gacha tabiiy gaz yetkazib berilmaydi.
Xususan:
Uchtepa tumani:
- Aholi iste’molchilari soni: Diyorobod MFYdagi 43 ta ko‘p qavatli uylar;
- Ulgurji iste’molchilar soni: 10 ta.
Chilonzor tumani:
Aholi iste’molchilari soni:
- Do‘mbrobod MFYdagi 778 ta, Gavhar MFYdagi 640 ta, Tirsakobod MFYdagi 528 ta va Katta Do‘mbrobod MFYdagi 864 ta yerli xonadon;
- Ulgurji iste’molchilar soni: 20 ta.
Olmazor tumani:
- Aholi iste’molchilari soni: Hastimom MFYdagi 135 ta yerli xonadon;
- Ulgurji iste’molchilar soni: 2 ta.
Shayxontohur tumani:
- Aholi iste’molchilari soni: Gulbozor MFYdagi 730 ta yerli xonadon va 54 ta ko‘p qavatli uy;
- Ulgurji iste’molchilar soni: 18 ta.
Ta’mirlash ishlari tugatilgandan so‘ng, tabiiy gaz ta’minoti qayta tiklanadi.
Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
