Xitoyning Semiconductor Manufacturing International Corporation (SMIC) kompaniyasi Huawei uchun 7 nanometrli yarimo’tkazgichlar ishlab chiqarishga tayyor ekanligi haqida xabar berdi. Jarayon joriy yilning aprel oyidan boshlanadi deya ma’lumot beradi “Красная Весна” agentligi.
Ma’lumotga ko’ra SMIC 2020-yilning so’ngida bu turdagi chiplarni ishlab chiqarish uchun texnologiyalarni qo’lga kiritgan edi. Mikroprotsessorlarning sinov turdagi qismi joriy yilning aprel oyi oxirida taqdim etiladi, oktyabrda esa ommaviy ishlab chiqarish boshlanadi.
SMIC kompaniyasi oldin AQSh tomonidan taqiqlangan Extreme ultraviolet lithography (ultrabinafsha litografiyasi) (EUV) texnologiyasi orqali chiplarni ishlab chiqarar edi. Endi esa uni almashtirib, eski Deep Ultraviolet Lithography (DUL) texnologiyasidan foydalangan holda 7nm chip ishlab chiqarishni boshlashga tayyor.
Ushbu texnologiyadan foydalangan holda Samsung va TSMC 2017-yilda 7nm mikrosxemalarni chiqargan edi, ammo SMIC bu turdagi yarimo’tkazgichlarni ishlab chiqarish huquqini endi qo’lga kiritdi.
Ma’lumot uchun, AQSH patentlari Amerikada ro’yxatdan o’tgan zamonaviy uskunalarda zamonaviy texnologiyalardan foydalangan holda ishlab chiqarilgan chiplarni Huaweiga sotishni taqiqlovchi sanksiyalar joriy qilgan edi.
2020-yilda TSMC uchun asosiy chip yetkazib beruvchiga xoldingga faqat eskirgan chiplarni chiqarishga ruxsat berildi. 2020-yil bahorida SMIC Huawei uchun 14nm texnojarayondan foydalangan holda Kirin 710A chiplarini ishlab chiqarishni o’z zimmasiga oldi.
Mavzuga doir: Huawei elektromobillar va haydovchisiz mashinalar ishlab chiqarish texnologiyalari uchun $1 mlrd investitsiya qilmoqda.
