“Air Astana” O‘zbekistonga yangi yo‘nalishlarda parvozlarni amalga oshirish uchun ruxsatnoma oldi.

“O‘zaviatsiya” agentligi tomonidan 2021-yilning 8-iyun kuni Qozog‘iston Respublikasining “Air Astana” aviakompaniyasiga Turkiston — Toshkent — Turkiston va Olmaota — Samarqand — Olmaota yo‘nalishlarida O‘zbekiston Respublikasiga muntazam aviaqatnovlarni amalga oshirish uchun ruxsatnoma berildi.

Eslatib o‘tamiz, “Air Astana” aviakompaniyasi Nur-Sulton — Toshkent — Nur-Sulton va Olmaota — Toshkent — Olmaota yo‘nalishlari bo‘yicha muntazam aviaqatnovlarni amalga oshirish uchun 2010 yil 18 noyabrdagi 78-K sonli ekspluatatsion ruxsatnomasiga ham ega.