Oʻzbekiston va Rossiya oʻrtasida temir yoʻl aloqasi tiklanmoqda. Bu haqda “Oʻzbekiston temir yoʻllari” AJ matbuot xizmati xabar berdi.
Rossiyada koronavirus infeksiyasiga qarshi kurash boʻyicha tezkor shtabning soʻnggi yigʻilishida Oʻzbekiston bilan muntazam temir yoʻl qatnovlarini qayta tiklashga qaror qilindi.
Rossiya Federatsiyasi hukumati matbuot xizmati 14-iyundan boshlab Toshkent-Samara va Toshkent-Volgograd yoʻnalishlarida har bir yoʻnalishda haftasiga bir martalik chastota bilan temir yoʻl qatnovi tiklangani haqida xabar berdi.
Xuddi shu kundan boshlab Oʻzbekiston fuqarolarining Rossiyaga temir yoʻl orqali kirishiga qoʻyilgan cheklovlar bekor qilinadi.
“Oʻzbekiston temir yoʻllari” AJning maʼlum qilishicha, yoʻlovchi poyezdlarining qatnov jadvali, yoʻnalishlari, yoʻl haqi va boshqa masalalar hozircha ishlab chiqilmoqda.
Rossiyaga reyslarni tayinlash toʻgʻrisidagi xabar barcha masalalar ishlab chiqilgandan soʻng darhol eʼlon qilinadi, deya taʼkidladi departament.
Avvalroq Spot “Oʻzbekiston havo yoʻllari” Toshkent-Samara-Toshkent xalqaro yoʻnalishi boʻyicha yangi reysni yoʻlga qoʻyayotgani haqida yozgan edi.
