Davlat aktivlarini boshqarish agentligi Toshkent viloyatining Bo‘stonliq tumanidagi binolar majmuasini kimoshdi savdosiga qo‘ydi. Bu haqda E-auksion ma’lumotlarida keltirilgan.
Muassasa Xojikent shahrida, Chirchiq daryosining chap sohilida, Chorvoq suv ombori yaqinida joylashgan.
Fotosuratlar va ommaviy ma’lumotlarga ko‘ra, “Sazanchik” restorani shu erda joylashgan.
Majmua 0,66 gektar yer uchastkasini egallaydi va asosiy restoran binosi hamda yordamchi inshootlarning umumiy maydoni 817,5 kvadrat metrni tashkil qiladi. Elektr va suv bor, lekin gaz va kanalizatsiya yo‘q.
Lotning boshlang‘ich bahosi 27,89 mlrd so‘m, zakalat puli esa 836 mln so‘mni tashkil etadi.
Auksion 28-iyun kuni soat 10:00da boshlanadi, arizalar shu kuni soat 9:00gacha qabul qilinadi.
Avvalroq “Spot” Buyuk Ipak yo‘li metrosi hududidagi mahalla binosi auksionga qo‘yilgani haqida yozgandi.
Maydoni 888 kvadrat metr bo‘lgan ikki qavatli bino 7 mlrd so‘m boshlang‘ich bahoda taklif etilmoqda.
