Germaniyaning “BMW” kompaniyasi butun dunyo bo‘ylab 140 mingdan ortiq “Mini Cooper SE” elektromobillarini chaqirib oladi, deya xabar berdi “Reuters” nashri.
Qayd etilishicha, elektromobillarning qaytarib olinishiga akkumulyatorlar bilan bog‘liq muammolar sabab bo‘lgan.
“Germaniyada 39 mingga yaqin avtomobil chaqirib olinishi mumkin, biroq hozircha hech qanday baxtsiz hodisa yoki jarohatlar qayd etilmagan”, — deyiladi kompaniya xabarida.
Batareya tizimidagi muammolar qizib ketishiga olib kelishi mumkin. “Avtomobil to‘xtab turganda ham yonib ketishi mumkinligini inkor etib bo‘lmaydi”, — deyiladi xabarda.
Avtomobilning dasturiy ta’minoti noto‘g‘ri akkumulyatorni aniqlaydigan va haydovchini ogohlantiruvchi diagnostika funksiyasini o‘z ichiga oladi.
Qayd etilishicha, “BMW” o‘zining yong‘indan himoya qilish dasturini yangilaydi.
“Xat yoki bildirishnoma olgan mijozlar bepul ta’mirlash uchun Mini xizmat ko‘rsatish markazlariga tashrif buyurishlari kerak”, — deya qo‘shimcha qildi kompaniya.
Avvalroq “Spot” “BMW” AQShda 720 mingdan ortiq avtomobilini chaqirib olishi haqida yozgandi.
Qayd etilishicha, avtomobillarning qaytarib olinishiga suv nasosidagi qisqa tutashuv muammosi sabab bo‘lgan.
