Xitoyning bir nechta shaharlarida sartaroshsiz soch olish mumkin bo‘lgan avtomatik kioskalar paydo bo‘ldi. Bu haqda Hokanews xabar berdi.
Robot mijozning boshini uch o‘lchamli formatda skanerlaydi va millimetrgacha aniqlik bilan ishlaydi. Xizmat 60 yuan (taxminiy 106 ming so‘m) — bu oddiy sartaroshxonaga borishdan taxminan uch baravar arzon.
Ishlash prinsipi juda oddiy. Odam kabina ichidagi o‘rindiqqa o‘tiradi, datchiklar bosh shakli, quloqlarning holati va soch o‘sish chizig‘ini o‘qiydi.
Ushbu ma’lumotlar asosida algoritm uch o‘lchamli model yaratadi va kesuvchi asboblar uchun trayektoriya tuzadi.
https://twitter.com/Cointelegraph/status/2057179551344611792
Butun muolaja bir necha daqiqa ichida bajariladi. Ishlab chiquvchilar ularning tizimi tajribali ustadan qolishmasligini va turli soch turlariga oson moslashishini ta’kidlamoqda.
Texnologiyada kompyuter ko‘rishi va mashinali o‘rganish qo‘llaniladi. Kameralar real vaqt rejimida bosh holatini kuzatib boradi, shuning uchun manipulyator tasodifiy burilishlarda ham harakatlarni to‘g‘rilaydi.
Bosim datchiklari terini shikastlanishdan himoya qiladi va to‘siqlar aniqlanganda tizim darhol to‘xtaydi. Har bir mijozdan so‘ng kesuvchi elementlarga ultrabinafsha nurlari bilan ishlov beriladi.
Xizmat ko‘rsatish sohasini robotlashtirish Xitoyning aqlli shaharlarni rivojlantirish dasturining bir qismidir.
Shanxay va Shenchjen savdo markazlarida shunga o‘xshash manikyur va massaj avtomatlari sinovdan o‘tkazilmoqda.
Past narxga uskunaning kecha-yu kunduz ishlashi va xodimlar uchun xarajatlarning yo‘qligi hisobiga erishiladi.
Agar tajriba muvaffaqiyatli bo‘lsa, kioskalar aeroportlar, vokzallar va turar-joy majmualarida o‘rnatiladi.
Rasmiylar bunday xizmatlarning mavjudligi sartaroshga yozilish bir necha kun davom etishi mumkin bo‘lgan aholi zich joylashgan hududlarda hayot sifatini yaxshilashiga umid qilmoqda.
Avvalroq Spot Xiaomi o‘z zavodlarida odamlarni robotlar bilan almashtirishi haqida yozgandi.
