Dam olish kunlari ayrim banklar orqali valyuta ayirboshlash va pul o‘tkazmalarini amalga oshirish mumkin. Bu haqda Markaziy bank matbuot xizmati xabar berdi.
31-oktabr va 1-noyabr — shanba va yakshanba kunlari jami 22 ta bank tomonidan valyuta ayirboshlash va pul o‘tkazmalari shoxobchalari xizmat ko‘rsatadi.
Ularning ish tartibi filialga qarab farq qilishi mumkin, shuning uchun ma’lumotlarni to‘g‘ridan-to‘g‘ri tijorat banklarida aniqlashtirish tavsiya etiladi.
Ro‘yxatda quyidagi banklar mavjud:
- Agrobank;
- Anorbank;
- APEX BANK;
- Asakabank;
- Asia Alliance Bank;
- Biznesni rivojlantirish banki;
- Garant bank;
- Hamkorbank;
- Hayot bank;
- Ipoteka-bank;
- Ipak Yuli Bank;
- Mikrokreditbank;
- Orient Finance Bank;
- Poytaxt bank;
- Saderat bank;
- Trastbank;
- Tenge bank;
- Turonbank;
- Universalbank;
- Xalq banki;
- O‘zmilliybank;
- O‘zsanoatqurilishbank.
Shu bilan birga, 24/7 rejimida ishlovchi avtomatlashtirilgan valyuta ayirboshlash bankomatlari hamda kunning istalgan vaqtida banklarning mobil ilovalari orqali onlayn valyuta ayirboshlash operatsiyasini amalga oshirish mumkin.
Avvalroq Spot Markaziy bank to‘lov svitchi orqali so‘mdagi hisob-kitoblar tartibini tasdiqlagani haqida yozgan edi.
