Uorren Baffet sarmoyadorlarga yo’naltirilgan an’anaviy yillik xabarnomasinichop etdi. Baffet unda qanday qilib investitsiya orqali pul ishlay olishini aytib berdi. Shuningdek, haddan tashqari optimizm tufayli o’z xatosi kompaniyaga 11 milliard dollarga tushganini tan oldi. Spot undagi eng muhim maslahatni to’pladi.
Investorlar sarflashadi — Wall Street esa pul topadi
Baffet murojaatnomasida chakana savdo bilan shug’ullanuvchi investorlarga maslahat berdi. Bugungi kunda millionlab investorlar “aldovchi g’oyalarga ega bozorning professionallari” yoki grafikdagi chiziqlar yuqoriga ko’tarilishiga ishonch bilan ko’rsatma berayotgan “texnik tahlilchilar” ga duch kelmoqdalar.
Biroq, kapitalni yaratish uchun faqatgina “vaqt, xotirjamlik, savdo-sotiq va to’lovlarni minimallashtirish” talab qilinadi, deb yozadi Baffet. Investorlar hech qachon bir narsani unutoshmasin: “Qachonki ular pul sarflashsa, Wall Street ularni ishlab topadi”.
Hech qachon Amerikaga qarshi pul tikmang
Baffet AQSh iqtisodiyotining kelajagiga nisbatan optimistik munosabatda bo’lib, Amerikaning ishbilarmonlik ruhini maqtaydi. Unga ko’ra, Qo’shma Shtatlar tashkil topganidan beri 200 yildan ortiq vaqt mobaynida dunyoda Amerikadek boshqa “inson salohiyatini ro’yobga chiqarish uchun inkubator” dunyoda mavjud emas edi.
“Butun Amerika tarixida ko’plab muvaffaqiyatli voqealar mavjud”. “Mamlakatimiz tashkil topganidan beri g’oyalari, ambitsiyalari va ko’pincha ahamiyatsiz kapitali bo’lgan odamlar o’z orzularini ro’yobga chiqarishga, yangi narsalarni yaratishga yoki eski narsalar yordamida mijozlarga xizmat ko’rsatish sifatini oshirishga muvaffaq bo’lishdi”.
Uning so’zlariga ko’ra, ba’zi “jiddiy muammolar” ga qaramay, AQSh iqtisodiy taraqqiyoti hayratha sola oladi. Baffet “o'zgarmas xulosa” sifatida “Hech qachon Amerikaga qarshi pul tikmang” deb ta’kidladi.
“Qimmatbaho aktivlar”
Baffet maktubda Berkshirning to’rtta eng qimmat biznesini sanab o’tdi. Sug’urta — 53 yildan beri Berkshirning markazida joylashgan. Ikkinchi o’rinda BNSF temir yo’li, uchinchi o’rinda Appledagi 5,4% ulush. To’rtinchi o’rinni Berkshire Hathaway Energy kompaniyasining 91% ulushi egallagan. Baffet ushbu bizneslarning har biri “qimmatbaho” ekanligini ta’kidladi.
Katta xato
Baffet o’z xabarida juda katta pulga Precision Castparts kompaniyasining sotib olinishini o’zining “katta xatosi” deb atadi.
Berkshire Hathaway 2016-yilda aviatsiya va energetika uskunalari ishlab chiqaruvchisini 32,3 milliard dollarga sotib oldi, bu Baffetning bugungi karyerasidagi eng yirik bitimi.
Baffetning so’zlariga ko’ra, ushbu xatoning qiymati taxminan 11 milliard dollarni tashkil etdi — bu kompaniya o’tgan yili hisobdan chiqarishi kerak bo’lgan miqdor.
Sotib olish paytida investor kompaniyani ortiqcha baholaganligi o’tgan yilgi Precision Castparts kompaniyasining asosiy mijozlari bo’lgan aviakompaniyalar bilan inqiroz paytida aniq bo’ldi.
“Men kompaniya uchun juda ko’p pul to’ladim. Hech kim meni hech qanday yo’ldan ozdirmadi. Men shunchaki juda optimistik edim “, — dedi Baffet.
Obligatsiyalar uchun vaqt emas
Baffetning ta’kidlashicha, bugungi kunda obligatsiyalar sarmoya vositasi emas. Shu bilan birga, u samaradorlikni oshirish uchun xavfli obligatsiyalarni sotib olishdan ogohlantirdi.
“Ba'zi sug’urtalovchilar va boshqa obligatsiyalar investorlari endi ishonchsiz qarz oluvchilarning obligatsiyalariga o’tish orqali ular uchun mavjud bo’lgan baxtsiz rentabellikni siqib chiqarishga harakat qilishadi. Biroq, talabga javob beradigan qarz olish yetarli bo’lmagan stavkalarga javob bo’lmaydi “, — deya ogohlantirdi Berkshir rahbari.
Nafaqaga chiqish haqida
Baffet hali nafaqaga chiqmasligini ishora qildi. U bir paytlar Berkshir Xeteuey muhojir Roza Blumkin tomonidan asos solingan Nebraska Furniture Mart kompaniyasini sotib olganini esladi. Unga ko’ra, Blumkin 103 yoshga qadar ishlashda davom etgan. O’tgan yili 90 yoshga to’lgan milliarder 103 ni “kulgili ravishda erta pensiya yoshi” deb atadi.
Biznes restoran kabidir
Baffet, shuningdek, iqtisodchi Fil Fisherning sarmoyalar kitobini alohida ta’kidlab o’tdi, unda jamoat kompaniyasini boshqarishni restoranni boshqarish bilan taqqoslaydi.
Siz “kola bilan burgerlar” yoki “fransuz oshxonasi va sharoblari” ni tanlashingiz kerak, ammo “injiqlik bilan biridan boshqasiga o’tmasligingiz kerak “, deb yozgan milliarder kitobga murojaat qilib. Uning ta’kidlashicha, Berkshir 56 yildan buyon kola gamburgerlari bilan xizmat qiladi va u o’ziga jalb etadigan xaridorlarni qadrlaydi.
Berkshirk uchun 2020- yil yakuni
Kompaniyaning tezkor foydasi o’tgan yilning 4- choragida 14 foizga ($5,02 mlrd) oshdi. Sof foyda esa fond bozoridagi o’zgarishlarni hisobga olgan holda $35,84 mlrd (23%) gacha oshgan
Butun 2020-yil davomida tezkor daromad 9 foizga kamayib, 21,92 milliard dollarga, sof daromad 48 foizga kamayib, 42,52 milliard dollarga tushdi.
Berkshirning pul “yostig'i” 2020- yil oxiriga kelib 138,3 milliard dollarni tashkil etdi. bu o’tgan yilning shu davrdagi nisbatiga ko’ra qariyb 10 mlrdga ko’pdir.
