Normativ-huquqiy hujjatlar loyihalari muhokamasi portaliga Oʻzbekiston Respublikasi Adliya vazirligi huzuridagi Davlat xizmatlari agentligi tashabbusi bilan ishlab chiqilgan, eski haydovchilik guvohnomalarini yangisiga almashtirish muddatini toifalashtirilgan tarzda uzaytirishni nazarda tutuvchi Vazirlar Mahkamasi qarori loyihasi joylashtirildi.

Quyidagi havola orqali, loyiha bilan tanishib chiqish mumkin.

Amaldagi tartibga koʻra, eski haydovchilik guvohnomasini yangisiga almashtirish muddati 2021-yilning 31-dekabrgacha etib belgilangan.

2022-yil 1-yanvardan boshlab, eski namunadagi haydovchilik guvohnomalari haqiqiy emas deb hisoblanadi.

Taklif etilayotgan qaror loyihasiga koʻra, haydovchilik guvohnomasini almashtirish muddatini bir yilga uzaytirish nazarda tutilmoqda.