2021-yil 20-oktyabrdan 20-noyabrgacha Samarqand xalqaro aeroporti yangi aerodrom majmuasini ishga tushirishga tayyorgarlik ishlari munosabati bilan parvozlarni vaqtincha to’xtatadi.

Barcha reyslar respublikaning boshqa xalqaro aeroportlari — “Navoiy”, “Buxoro”, “Qarshi” ga yo’naltiriladi va bu yerdan yo’lovchilar uchun Samarqandga yer usti transferi tashkil etiladi.

Ayni paytda uzunligi 3105 metr, kengligi 60 metr bo’lgan yangi uchish — qo’nish yo’lagining qurilishi to’liq yakunlandi.

Ma’lumot uchun: 2022-yilda bo’lib o’tadigan ShHT sammitiga tayyorgarlik doirasida Samarqandda yangi aerodrom majmuasi qurilishi davom etmoqda.