Moskva birjasi Oʻzbekiston, Armaniston va Birlashgan Arab Amirliklari milliy valyutalarida savdoni yoʻlga qoʻyishni rejalashtirmoqda. Bu haqda “РИА Новости"ga tayanib, “Gazeta.ru” xabar berdi.
Moskva birjasining Valyuta bozori departamenti direktori Andrey Skabelinning soʻzlariga koʻra, yaqin oylarda oʻzbek soʻmi, arman drami va amirlik dirhamida savdolar yoʻlga qoʻyilishi rejalashtirilgan.
“Biz ushbu valyutalarga qiziqishni koʻrmoqdamiz va ular likvidlikka ega boʻlishini tushunamiz. Bir qator texnik masalalar hal boʻlgach, biz bu juftliklarni ishga tushiramiz”, — dedi u.
Skabelin, shuningdek, valyuta savdosini yoʻlga qoʻyish uchun ishtirokchilar va mijozlarning qiziqishi zarurligini taʼkidladi, keyin esa haqiqiy bozor shakllanadi. Kotirovkalarni saqlab qolish uchun marketmeykerlar mavjudligini taʼminlash ham muhimdir.
Endi siz Moskva birjasida 10 ta xorijiy valyutani sotib olish mumkin. Bular AQSh dollari, yevro, funt sterling, shveytsariya franki, belarus rubli, turk lirasi, qozoq tengesi, yuan, Gonkong dollari va yapon iyenasidir.
Avvalroq Spot 14-may kuni Moskva birjasida ilk bor oʻzbek soʻmida savdolarni boshlash masalasi koʻrib chiqilgani haqida yozgan edi. Xabar qilinishicha, dollar bilan savdoning qisqarishi fonida birja mavjud valyutalar assortimentini kengaytirishni rejalashtirmoqda.
