“Meta”, “X” (sobiq Twitter), “TikTok”, “Snap” va “Discord” bosh direktorlari AQSh Senati oldida bolalar xavfsizligi masalalari bo‘yicha guvohlik beradilar. Bu haqda “The Verge” nashri xabar berdi.
Guvohlik tinglovi 2024-yil 31-yanvar kuni AQSh Senati Senat sud qo‘mitasida bo‘lib o‘tishi rejalashtirilgan.
Unda “Meta” bosh direktori Mark Sukerberg, “X” (sobiq Twitter) bosh direktori Linda Yakkarino, “TikTok” bosh direktori Shu Zi Chu, “Snap” bosh direktori Evan Shpigel va “Discord” bosh direktori Jeyson Sitron ishtirok etadi.
Senatorlar Dik durbin (Illinoys shtatidan demokrat) va Lindsi Grem (Janubiy Karolinadan respublikachi) shu oy boshida Yakkarino, Shpiegel va Sitronga bir necha haftalik muzokaralar davomida bir necha bor qatnashishdan bosh tortganlaridan keyin chaqiruv varaqalarini berishdi.
Sukerberg va Chu guvohlik berishga ixtiyoriy ravishda rozi bo‘lishdi. Senatorlarning ta’kidlashicha, tinglovlar rahbarlarga internetda bolalarni himoya qila olmasliklari to‘g‘risida guvohlik berish imkoniyatini beradi.
“Meta” hozirda o‘nlab shtatlardan “Facebook” va “Instagram” xavfsizligi to‘g‘risida jamoatchilikni chalg‘itgani haqidagi da’volar bo‘yicha sud jarayonlariga duch kelmoqda.
Shu bilan birga, AQSh bo‘ylab maktab tumanlari “Meta”, “ByteDance”, “Alphabet” va “Snap"ga qarshi da’vo arizasi bilan murojaat qilib, ularni bolalarda “o‘ziga qaram” platformalardan foydalanganlikda aybladi.
“Biz bolalarni onlayn tarzda himoya qilish bo‘yicha harakatlarimiz yirik texnologiya kompaniyalari tomonidan ikkilanish bilan kutib olinishini boshidan bilardik”, dedi senatorlar Durbin va Grem qo‘shma bayonotda.
“Ular nihoyat bolalarni himoya qilishda o‘z muvaffaqiyatsizliklarini tan olishga majbur bo‘lmoqdalar. Endi barcha beshta kompaniya hamkorlik qilmoqda, biz ularning rahbarlaridan xabar olishni orziqib kutamiz. Ota-onalar va bolalar chora ko‘rishni talab qiladi”, deyiladi xabarda.
