Migratsiya agentligi NPS Personal xususiy bandlik agentligiga berilgan litsenziyaning amal qilishini tugatganini e’lon qildi.
Poytaxt kompaniyasi o‘z tashabbusi bilan hujjatni rad etish to‘g‘risida ariza berdi, deya ta’kidladi vazirlik. O‘zbekistonliklarni xorijda ishga joylashtirish uchun litsenziya 2023-yil dekabr oyida berilgan.
NPS Personal faoliyati yuzasidan shikoyat va arizalar 30-aprelga qadar +998712023355 (ichki 171, 711) telefon raqami orqali qabul qilinadi.
Agentlik saytida e’lon qilingan reyestrga ko‘ra, hozirda O‘zbekistonda 51 ta litsenziyalangan xususiy bandlik agentligi faoliyat yuritmoqda.
Ulardan 36 tasi Toshkentda, yana 7 tasi Samarqandda, 3 tasi Buxoroda, 2 tasi Namanganda, bittadan Andijon, Qarshi va Angrenda joylashgan.
Joriy yil boshidan buyon o‘nta kompaniya litsenziya olgan, ularning uchtasi aprel oyiga to‘g‘ri keladi. Bundan tashqari, 2025-yil davomida bandlik agentliklari tomonidan 26 ta litsenziya berilgan.
2025-yil avgust oyida Migratsiya agentligi Adworld Group kompaniyasiga 112,5 mln so‘m miqdorida jarima soldi. Kompaniya tegishli litsenziyani rasmiylashtirmasdan turib xorijdagi bo‘sh ish o‘rinlari haqida e’lonlar joylashtirgan, shuningdek, o‘z xizmatlarini reklama qilishga blogerlarni jalb etgan.
Biroz vaqt o‘tgach, Raqobat qo‘mitasi Adworld Group xizmatlarini reklama qilgani uchun ikki yirik bloger — Otabek Jo‘rayev (@iwash_tashkent) va A.Abdurahmonov (@abdurahmonmufid) ga nisbatan ma’muriy bayonnomalar tuzdi. Nazorat organi ishlarni ko‘rib chiqish uchun sudga yubordi.
Avvalroq Spot O‘zbekiston AQSHga mavsumiy qishloq xo‘jaligi ishchilarini yuborishi haqida yozgandi.
