Loyiha universitetlar dolzarb muammolar bilan bog‘liq amaliy ishlanmalar va ijodiy yechimlarni taqdim etadigan formatlardan biriga aylandi. 2026-yilda ko‘rgazma ekologik muammolar va ularni texnologik hamda badiiy yondashuvlar orqali anglashga bag‘ishlandi.
“Ushbu ko‘rgazmaning asosiy xulosasi ham jamiyat, ham har bir inson darajasida ekologiya va u bilan bog‘liq muammolarga jiddiy yondashish zarurligidir. Avvalo, tabiatdan foydalanishdan oldin uni asrab-avaylash, keyin esa u bilan ehtiyotkorlik va mas’uliyat bilan munosabatda bo‘lish muhimdir. Ko‘rgazma bir hafta davom etadi va biz sizni nafaqat ko‘rgazmaga tashrif buyurishga, balki o‘z yaqinlaringiz, tanishlaringiz, shuningdek, turli avlod vakillarini ham taklif qilamiz. Bizning vazifamiz ekologiya alohida g‘amxo‘rlik va himoyani talab qilishini ko‘rsatish bo‘lib, bu g‘oyani taqdim etilgan san’at asarlari orqali ochib bermoqdamiz”, — dedi Kimyo universiteti rektori Akmal Allaquliyev.
Ishtirokchilar tabiiy resurslarning kamayishi va atrof-muhit o‘zgarishidan tortib, urbanizatsiya oqibatlari va ekotizimlarga tushayotgan yukning ortishigacha bo‘lgan asosiy mavzularni aks ettiruvchi loyihalarni taqdim etdilar. Vizual tasvirlar va muhandislik yechimlari orqali mualliflar inson va tabiatning o‘zaro bog‘liqligini ko‘rsatishga harakat qilishgan.
Eksponatlar orasida ramziy mazmunga ega san’at asarlari va installyatsiyalar bor edi. Masalan, sahrodagi kema tasviri ekologik inqiroz va suv resurslarining yo‘qolishiga ishora qilsa, “energiya daraxti” qayta tiklanadigan energiya manbalaridan foydalanish va barqaror rivojlanish imkoniyatlarini namoyish etdi. Qayta ishlangan materiallardan, jumladan, ninachi, toshbaqa va embrion shaklida yaratilgan asarlar chiqindilar muammosi va ularning atrof-muhitga ta’siriga e’tibor qaratdi.
Shuningdek, ko‘rgazmada urbanizatsiyalashgan hududlarni rivojlantirishning turli ssenariylarini aks ettiruvchi ekologik va “cheksiz” shahar konsepsiyalari taqdim etildi. Alohida installyatsiyalar inson tanlovi oqibatlari va inson faoliyatining tabiiy muhitga ta’sirini namoyish etdi.
Loyihalarning bir qismi interaktiv xarakterga ega edi. Tashrif buyuruvchilar mexanik zootrop, proyeksion installyatsiyalar bilan muloqot qilishlari, shuningdek, qishloq xo‘jaligida barqaror yondashuvlarni rivojlantirishga qaratilgan “gardonika” agrotexnologiyasi bilan tanishishlari mumkin edi.
Ko‘rgazma maydonida Erasmus+ xalqaro dasturi haqida ham so‘z yuritildi, uning yordamida universitet bo‘lajak muhandislarda ekologik yondashuv, ijodiy fikrlash va kasbiy kompetensiyalarni rivojlantiradi.
“Erasmus+ dasturi muhandislik yo‘nalishi talabalarida kreativ fikrlash, ijtimoiy mas’uliyat va ekologik muammolarni tushunishni rivojlantirishga qaratilgan. Kelajakda bitiruvchilar korxonalarda ishlaydi, shuning uchun ular iqlim va ekologik xavflarni hisobga olishlari muhim. Loyiha O‘zbekiston, Yevropa va Gruziya universitetlari tomonidan ikki hamkor — InnoTechnoPark va Gruziya tadqiqot markazi ishtirokida birgalikda amalga oshirilmoqda. Uning doirasida „yashil“ muhandislik kurslari ishlab chiqilmoqda va joriy etilmoqda, shuningdek, xalqaro akademik hamkorlik rivojlanmoqda”, — dedi Kimyo universitetining Erasmus dasturlari bo‘yicha menejeri Farhod Niyozov.
Tashkilotchilarning ta’kidlashicha, ko‘rgazma ekologik kun tartibiga e’tiborni jalb qilish, fanlararo yondashuvni rivojlantirish va tabiiy resurslarga yanada ongli munosabatni shakllantirishga qaratilgan.
Ko‘rgazma 25-aprelga qadar Kimyo universitetida davom etadi. Kirish bepul.
Telefon: (+998) 78−129−40−40.
Manzil: Yakkasarayskiy r-n, ul. Shota Rustaveli, 156.
Sayt: kiut.uz
Facebook: fb.com/kiut.uz
Instagram: @kiut.uz_rasmiy
Telegram: t.me/kiut_official
YouTube: @kimyointernationaluniversity
Reklama huquqlari asosida.
