“O‘zavtosanoat” tashkilotlarining ulushi “O‘zagroservis” jamg’armasiga beriladi

Vazirlar mahkamasining “O‘zagroservis” AJ korxonalarini moliyaviy sog‘lomlashtirishga doir qo‘shimcha chora-tadbirlar to‘g‘risidagi qarori kuchga kirdi.

Qarorga muvofiq, “Avtosanoat Agrotexservis” MCHJ ustav jamg‘armasidagi “O‘zavtosanoat” AJ dillerlik tashkilotlarining (48 ta) ulushi boshlang’ich qiymatda “O‘zagroservis” AJning ustav jamg‘armasiga beriladi.

Tuman “Agrotexservis MTP” MCHJlarining “O‘zavtosanoat” AJ dillerlik tashkilotilari oldidagi kafillik shartnomalari asosida amalda to‘langan qismi bo‘yicha qarzdorliklari hisobdan chiqarildi.

“O'zagroservis” AJ mashina-traktor parklari “O'zagrotexsanoatxolding” AJning garov bilan ta’minlanmagan majburiyatlar bo’yicha kafilliklarini sug’yrta tashkilotlari polislariga almashtirish bilan bog’liq sug’urta xizmatlari xaqini o’z mablag’lari xisobidan to’laydi.

Shuningdek, “O‘zagroservis” AJ va “O‘zagrolizing” AJning tuman “Agrotexservis MTP” MCHJ va “Agrotexservis MTP” MCHJlarining “O‘zagrolizing” AJ va “O‘zmashlizing” MCHJ oldidagi lizing to‘lovlari bo‘yicha qarzdorliklarini to‘lash muddati 2021 yil 1 sentyabrgacha uzaytirildi.