2019-yil yanvar-may oyida eksport hajmi 6,4 mlrd $ga (o`sish sur`ati 14,1%) teng bo`ldi.
Yanvar-may oyida jami 592,8 ming tonnadan ziyod mеva-sabzavot mahsulotlari 4,6 mln $ga eksport qilindi (o`sish sur`ati — 53,0%). Mazkur davrda 485 ming tonna sabzavotlar 2,6 mln $ga yoki o`tgan yilning mos davriga nisbatan 146,3 ming tonnaga ko`p miqdorda eksport qilingan.
Shuningdek, 107,8 ming tonna mеva va rezavorlar 1,9 mln $ga eksport qilingan bo`lib, eksport hajmi o`tgan yilning mos davriga nisbatan 12,5 ming tonnaga ko`pdir.
10 maydan O‘zbekistondan eksport qilingan meva-sabzavot mahsulotlar to‘g‘risida ma’lumotlar onlayn taqdim etila boshlandi. Ma’lumotlar tadbirkorlarga eksportga yo‘naltirilgan meva-sabzavot mahsulotlarining turlari, hajmlari va yetishtirish hududlari to‘g‘risidagi ma’lumotlarni olish va tahlil qilish orqali kelgusidagi faoliyatlarini rejalashtirish imkonini beradi.
Ilgari Spot O’zbekiston o’rigi Hindiston, gilosi esa Buyuk Britaniya bozorlari tokchalaridan joy olgani haqida xabar bergan edi.
