O‘zbekiston prezidenti Yevroosiyo iqtisodiy ittifoqiga qo‘shilish masalasini ishlab chiqmoqda, xabar beradi “РИА Новости” Rossiya Federatsiyasi Kengashi raisi Valentina Matviyenko so‘zlariga tayangan holda.
“O‘zbekiston prezidenti qaror qabul qildi va hozirda O‘zbekistonning YOIIga qo‘shilishi masalasi ishlab chiqilmoqda”, — dedi u Oliy Majlis qonunchilik palatasi spikeri Nurdinjon Ismoilov bilan uchrashuvda.
Matvienko O‘zbekistonning YOIIga kirishi kechiktirilmasdan amalga oshirilishiga umid bildirdi.
“Agar bu sodir bo‘lsa, shubhasiz, juda katta kelishuv bo‘ladi, chunki u xalqaro amaliyotga mos keladi va globallashuv jarayonlarini hisobga oladi. Umid qilamanki, muvofiqlashtirish jarayoni kechikmaydi va biz Yevroosiyo oilasida hamkorlik qilish imkoniyatiga ega bo‘lamiz”, dedi u.
Spikerning so‘zlariga ko‘ra, O‘zbekiston YOIIga a’zo bo‘lganidan so‘ng, Rossiya ikki tomonlama hamkorlik qilish uchun yangi imkoniyatlarga ega bo‘ladi va “davlatlararo munosabatlarda mavjud bo‘lgan ba’zi to‘siqlarni” olib tashlaydi.
