“Яндекс” kompaniyasi Meteum 2.0 nomli avtomatik oʻrganishga asoslangan ob-havo bashoratining yangi texnologiyasini ishga tushirdi. Bu haqda kompaniya matbuot xizmati xabar berdi.
Bu dunyodagi birinchi ob-havo prognozi texnologiyasi boʻlib, uning algoritmlari nafaqat asboblar va ob-havo stansiyalari maʼlumotlari, balki foydalanuvchilarning xabarlari boʻyicha ham ishlaydi. Natijada, “Яндекс.Погодa"dagi yogʻingarchilikning qisqa muddatli prognozi 20% aniqroq boʻldi.
“Har kuni foydalanuvchilar yogʻingarchilik haqida milliondan, baʼzan esa ikki milliondan ortiq xabar yuboradi. Ushbu maʼlumotlar butun mamlakat uchun, ayniqsa, ob-havo radarlari boʻlmagan Ural, Sibir va Uzoq Sharqda yogʻingarchiliklarning qisqa muddatli prognozlarini yaxshilashga yordam berdi. Yogʻingarchilik xaritasida qisqa muddatli prognozni koʻrishingiz mumkin. Bu vaziyatning keyingi ikki soat ichida qanday rivojlanishini koʻrsatadi. Foydalanuvchi xaritaga qarab, qachon it bilan sayr qilish yoki aytaylik, doʻkonga chiqish uchun eng yaxshi vaqt boʻlganligini hal qilishi mumkin”, — deyiladi xabarda.
“Яндекс” yoki “Яндекс.Погодa” ilovasi orqali yogʻingarchilik haqida xabar yuborish oson. “Яндекс” bunday xabarlarni yogʻingarchilik xaritasida soyabon bilan belgilaydi. Va foydalanuvchilar qancha koʻp xabar yuborsa, prognoz shunchalik ishonchli boʻladi.
Kompaniya yangilik sifatida sunʼiy yoʻldosh tasvirlari va radar maʼlumotlarini qoʻshdi. Axborot CatBoost-ga asoslangan kompyuterni oʻrganish modeli va neyron tarmoqlari yordamida qayta ishlanadi. Bu nafaqat shamol tezligi, havo harorati va boshqa ob-havo parametrlarini, balki qoʻshimcha omillarni ham hisobga olishga imkon beradi.
