Apple qurilmalari egalari WhatsApp messenjerida oʻzi oʻchib ketadigan xabarlar joʻnatish imkoniyatiga ega boʻladi. Shuningdek, view Once (bir marta koʻrish) funksiyasi messenjerning 2.21.140.9 beta-versiyasida paydo boʻldi, deb yozadi Wabetainfo-ga asoslanib “kun.uz”.

Qayd etilishicha, View Once funksiyasi shaxsiy va guruh yozishmalarida ishlaydi. Yozishma vaqtida joʻnatilgan xabar foydalanuvchi bir marta koʻrganidan soʻng oʻchib ketadi.

Shu bilan birga, xabar oʻchib ketguniga qadar ekrandan skrinshot olish mumkin boʻladi. Bunda xabarni joʻnatuvchi skrinshot olinayotganidan xabardor qilinmaydi.

Shuningdek, WhatsApp dasturchilari foto va videolarni hajmini kichraytirmasdan joʻnatish funksiyasi ustida ish olib bormoqda.