“Antutu.com” ning fikricha, Xiaomi Black Shark 4 Pro eng kuchli smartfon hisoblanar ekan.
O‘yin o‘ynashga mo‘ljallangan ushbu smartfon 864 ming ball bilan reytingda birinchi o‘rinni egalladi.
Xiaomi Black Shark 4 Pro reytingdagi 16 gigabayt tezkor xotiraga ega yagona smartfon hisoblanadi. Undan keyingi o‘rinlarda Iqoo 8 Pro (846 ming ball), RedMagic 6 Pro (823 ming ball) smartfonlari joylashdi.
Iqoo 8, OnePlus 9 Pro, Oppo Find X3 Pro, OnePlus 9, Realme GT va Xiaomi Mix 4 ham eng kuchli smartfonlar reytingidan joy oldi.
Yuqori o‘ntalikni 804 ming ball bilan Vivo X60 Pro+ yakunlagan.
Avvalroq Spot Xiaomi smartfon sotish boʻyicha ilk bor dunyoda yetakchi boʻlganligi haqida yozgan edi.
