Hukumat qarori bilan Qoraqalpog‘iston hamda Xorazmdagi boshlang‘ich sinf o‘quvchilarini ovqatlantirish tizimida keytering usuli yo‘lga qo‘yiladi.
Unga ko‘ra, keytering usulida xizmat ko‘rsatuvchi tashkilotlar tanlovini o‘tkazish, hisob-kitob qilish, taomlar ustidan nazorat qilish tartibi belgilandi.
Keytering usuli orqali hududlarda masofaviy tarzda umumiy ovqatlanish xizmatlari ko‘rsatiladi.
Buning uchun quyidagilar amalga oshiriladi:
- ovqatlanishni shartnoma asosida tashkil etish;
- ovqatlarni tayyorlash;
- yetkazib beris;
- tayyor pazandachilik mahsulotlarining chakana savdosini amalga oshirish.
Hujjat bilan o‘quvchilar maktabda bir kunda bir mahal ovqatlantirilishi belgilangan.
Ovqatlarni nazorat qilish uchun maktablarda 5 kishilik maxsus komissiya tuziladi hamda u direktor, hamshira va ota-ona vakillaridan iborat bo‘ladi.
Shuningdek, kundalik taomnomaning ro‘yxati “kundalik.com” platformasi orqali yuritiladi.
Avvalroq AKT sohasini rivojlantirishga qaratilgan qaror e’lon qilingandi.
