12-sentabr kuni “Ask VC” “IT Park” koʻmagida “Venchur tahlilchisi” onlayn kursini ishga tushiradi.
Darslarni “I2BF Global Ventures” investitsion direktori Denis Kalishkin olib boradi.
Dastur 4 hafta davom etib, unda ishtirok etish bepul boʻladi.
Kurs startaplar, venchur investorlar, boʻlajak investorlar uchun moʻljallangan.
Shuningdek, biznes-farishtalar, akseleratorlar va korporatsiyalarning innovatsion boʻlimlari xodimlari ishtirok etishi mumkin.
Dastur ishtirokchilari quyidagilar haqida bilib olishadi:
- venchur fondi va u qanday ishlaydi;
- startap uchun bozor va raqobat tahlili;
- kelishuvning asosiy shartlari (term sheet);
- kapitallashuv jadvali (cap table);
- investitsiya memorandumi;
- startap xatolarini tahlil qilish mezonlari va venchur investorning kognitiv buzilishlari;
- Due Diligence jarayoni;
- startapning moliyaviy metrikalarini tahlil qilish va moliyaviy modelni yaratish;
- venchur fondi portfelini boshqarish, risklarni muvozanatlash, fondning hayot sikli.
Bundan tashqari, kurs davomida ishtirokchilar mentor bilan Lotin Amerikasi venchur bozori va Twitch investitsiya memorandumini tahlil qilishadi.
Kursga 12-sentabrgacha havola orqali roʻyxatdan oʻtish mumkin. Batafsil ma’lumot bu yerda.
Avvalroq “Spot” Toshkentda QA muhandisligi bo‘yicha bepul kurslarga qabul boshlangani haqida yozgandi.
