Davlat soliq qo‘mitasi ma’lumotlariga ko‘ra, respublika bo‘yicha 2022-yilda soliq organlari tomonidan 148,4 trln so‘m tushumlar ta’minlangan. Bu ko‘rsatkich 2021-yilga nisbatan (20,4 trln so‘m) 16% ko‘pni tashkil qilgan.
Jumladan, soliq turlari kesimida:
- mol-mulk solig‘idan 4 trln so‘m undirilib, 2021-yilga nisbatan 1,6 trln so‘mga yoki 63%;
- yer solig‘idan 5,3 trln so‘m undirilib, 2021-yilga nisbatan 1,2 trln so‘mga yoki 30%,
- aylanmadan olinadigan soliqdan 2,5 trln so‘m undirilib, o‘tgan yilning mos davriga nisbatan 863 mlrd so‘mga yoki 52%;
- QQSdan 32,8 trln so‘m undirilib, 2021-yilga nisbatan 7,2 trln so‘mga yoki 28%;
- jismoniy shaxslardan olinadigan daromad solig‘idan 24,3 trln so‘m undirilib, 2021-yilga nisbatan 5,4 trln so‘mga yoki 28% o‘sishga erishildi.
Shuningdek hududlar kesimida soliq tushumlari bo‘yicha Toshkent shahri 21,3 trln so‘m bilan yetkachilik qilmoqda. Hududda tushumlar ko‘rsatkichi 2021-yilga nisbatan 38%ga oshgan.
Soliq tushumlari hududlar kesimida
| Hududlar | Soliq tushumlari | 2021-yilga nisbatan o‘sish |
| Qoraqalpog‘iston Respublikasi | 2,4 trln so‘m | 33% |
| Xorazm viloyati | 2,5 trln so‘m | 28% |
| Andijon viloyati | 2,9 trln so‘m | 23% |
| Farg‘ona viloyati | 4,3 trln so‘m | 33% |
| Namangan viloyati | 2,8 trln so‘m | 26% |
| Sirdaryo viloyati | 1,2 trln so‘m | 31% |
| Jizzax viloyati | 1,8 trln so‘m | 34% |
| Samarqand viloyati | 4,2 trln so‘m | 34% |
| Qashqadaryo viloyati | 3,6 trln so‘m | 23% |
| Surxondaryo viloyati | 2,4 trln so‘m | 26% |
| Navoiy viloyati | 1,6 trln so‘m | 21% |
| Buxoro viloyati | 3,2 trln so‘m | 31% |
| Toshkent viloyati | 5,3 trln so‘m | 25% |
| Toshkent shahri | 21,3 trln so‘m | 38% |
| Yirik soliq to‘lovchilar bo‘yicha hududlararo DSI | 88,3 trln so‘m | 7% |
Avvalroq “Spot” 2023-yil O‘zbekiston soliq siyosatida qanday o‘zgarishlar bo‘lishi haqida yozgandi.
