Vladimir Putin Mirziyoyev va Toqayev bilan Rossiyadan gaz yetkazib berishni boshlashda ishtirok etadi, deya xabar berdi “TASS” nashri.
Rossiya prezidenti Vladimir Putin Qozog‘iston orqali O‘zbekistonga Rossiya gazini yetkazib berishning boshlanishi haqida e’lon qildi. Rossiya yetakchisi shu munosabat bilan 7-oktabr kuni uchta davlat rahbarlari ishtirokida tantanali marosim o‘tkazilishini qayd etdi.
“Ertaga Shavkat Miromonovich va Qozog‘iston prezidenti Qosim-Jomart Toqayev bilan birgalikda „Gazprom“ tomonidan O‘zbekistonga Rossiya gazini yetkazib berish tantanali marosimida ishtirok etamiz”, — dedi Putin Rossiya-O‘zbekiston muzokaralari yakunlari bo‘yicha jurnalistlarga.
Putin buni “transport tizimlari tarixdagi birinchi marta” amalga oshirilayotganini ta’kidlab, “Rossiyada ishlab chiqarilgan gaz hech qachon Markaziy Osiyoga yuborilmagan"ni qayd etdi.
“Juda qisqa vaqt ichida, rekord darajada qisqa vaqt ichida O‘zbekiston ham, Rossiya ham, Qozog‘iston ham ish olib bordi va yetkazib berish uchun sharoit yaratdi”, — dedi Putin.
Rossiya gazi O‘zbekistonga Qozog‘istondan tranzit orqali keladi hamda yoqilg‘ining bir qismi Qozog‘istonga ham yetkazib beriladi.
Putin o‘zaro manfaatli loyiha O‘zbekiston va Qozog‘istonning hamda bu borada butun Markaziy Osiyo mintaqasining energiya xavfsizligini ta’minlashga qaratilganini aytdi.
Avvalroq Putin gaz yetkazib berish oktabrda boshlanishini bildirib, hozir 3 mlrd kub metr gaz yetkazib berilishini, keyinchalik bu hajmlar oshirilishi mumkinligini qayd etgandi.
