Qaysi texnologiya kompaniyalari ko‘proq iste’dodlarni jalb qilishini aniqlash maqsadida “Switch on Business” IT-mutaxassislarining “Linkedin” hisoblarini tahlil qildi.
Tahlillarga ko‘ra, “Google” “Apple” kompaniyasining sobiq xodimlari uchun eng yaxshi ish beruvchiga aylanmoqda. “Apple"ga esa ko‘plab xodimlar “Intel”, “Microsoft”, “Amazon” kompaniyalaridan keladi.
“Switch on Business” tahlilchilari hozirda “Google” (Alphabet), “Amazon”, “Apple”, “Meta”, “Microsoft”, “IBM”, “Tesla”, “Oracle”, “Netflix”, “Nvidia”, “Salesforce”, “Adobe”, “Intel” va Uber kabi yirik IT-kompaniyalarida qancha odam ishlayotganini aniqladi.
Keyin, dastlabki ro‘yxatdagi har bir kompaniya juftligi uchun ular boshqa kompaniyalarga ko‘chib o‘tgan xodimlar va sobiq xodimlarni topdilar va ularning soni va foizini hisoblab chiqdilar.
Tahlil ularga ushbu ro‘yxatdagi kompaniyalarda xodimlarning “migratsiyasi” ning eng keng tarqalgan usullarini taqdim etishga imkon berdi.
“Apple” kompaniyasining sobiq xodimlari uchun keyingi ish joyi reytingi quyidagicha: “Google”, “Amazon”, “Meta”, “Microsoft”, “Tesla”, “Nvidia”, “Salesforce”, “Adobe”, “Intel”, “Oracle”.
Tahlilchilar “Apple” boshqa IT-kompaniyalardan nisbatan kam, atigi 5,7% odamni yollashini ta’kidlamoqda. Bu “Meta” (26,5%), “Google” (25,1%) va “Salesforce” (20,7%)dan keskin farq qiladi.
Avvalroq “Spot” “Google” va “Meta” muhandislarga “Apple”, “Amazon” va “Microsoft"dan ko‘proq maosh to‘lashi haqida yozgandi.
O‘tkazilgan tadqiqot natijalariga ko‘ra, “Google” muhandislarga eng ko‘p maosh to‘lasa, “Meta” esa xodimlarning maoshini eng tez ko‘taradi.
