Foydalanuvchilar “Google Play"ning so‘nggi beta-versiyasida muhim yangilikni topdilar. Bu haqda “Phone Arena” xabar bermoqda.
Endi asosiy Android ilovalari do‘koni bir vaqtning o‘zida bir nechta dastur yoki o‘yinlarni yuklab olishi mumkin.
Kelajakda, foydalanuvchi 2 yoki undan ortiq dasturni o‘rnatishni boshlaganida, ular parallel ravishda yuklab olishni boshlaydi va bir vaqtning o‘zida o‘rnatiladi.
Bu xususiyat har doim iPhone’da mavjud bo‘lgan. Ilgari Android smartfonlari faqat bitta ilovani o‘rnatishi mumkin edi, boshqalari esa navbatga qo‘yilgan va keyinroq yuklab olingan.
Yangilik ikkita cheklovga ega bo‘lib, bir vaqtning o‘zida faqat yangi ilovalarni o‘rnatish mumkin. Yuklab olingan ilovalar uchun yangilanishlar birma-bir yuklab olinadi.
Shuningdek, bir vaqtning o‘zida faqat ikkita dastur o‘rnatiladi. Kelajakda bu qiymat oshishi mumkin.
Yangilanish beta-sinov bosqichidan chiqqanida hamma yangi funksiyani sinab ko‘rishi mumkin bo‘ladi. Biroq u qachon sodir bo‘lishi noma’lum.
Avvalroq “Spot” “Google” “Play Store"da sun’iy intellekt funksiyasini sinovdan o‘tkazayotgani haqida yozgandi.
Yangi funksiya ilovalarning asosiy jihatlarini ajratib ko‘rsatadi va ular haqida qisqacha tavsif beradi.
