Yaponiyaning “Sharp” kompaniyasi pensionerlar uchun maxsus telefon chiqardi. Bu haqda “Ferra” nashri xabar berdi.
Qayd etilishicha, telefonni hatto suyuq sovun bilan yuvish imkoniyati bor, lekin faqat maxsus sovun bilan va spirtli salfetkalar bilan artish mumkin.
Model “Basio Active 2” deb nomlanadi, Snapdragon 695 chipida ishlaydi, 4 Gb tezkor va 64 Gb ichki xotiraga ega.
Qurilma asosiy 50 MP va old 8 MP kameralar bilan jihozlangan. Batareya quvvati 4000 mA/soat.
Modelning muhim xususiyati — bu harbiy sertifikatga muvofiq himoya, shuningdek, chang va namlikdan IP68 himoyasi.
Basio Active 2 HD+ o‘lchamli 5,7 dyuymli displeyga ega. Ekran ostida qo‘ng‘iroqlarni qabul qilish va elektron pochta xabarlarini jo‘natish uchun uchta tugma mavjud.
Ekrandagi barcha matn va tasvirlar aniq ko‘rsatiladi, interfeysi sodda va matnlar, piktogramma va raqamlar tugmalar katta va keksa odamlar tushunadigan shaklda ishlab chiqilgan.
Bundan tashqari, smartfonda bir qator ilovalar oson o‘qish uchun matn kontrastini yaratadi.
“Basio Active 2” qo‘ng‘iroqlarni yozib olish xususiyatiga ega. Agar biror kishi noma’lum raqamdan qo‘ng‘iroq qilsa, u avtomatik ravishda yoqiladi.
Agar bu sodir bo‘lsa, nafaqaxo‘r firibgarlar bilan suhbatini isbotlay oladi. Shubhali kontaktlarni qora ro‘yxatga tezda qo‘shish imkoniyati ham mavjud.
