“Uzbekistan Airways” aviakompaniyasi Qarshidan Sankt-Peterburgga parvozlarni yo‘lga qo‘ymoqda. Bu haqda aviakompaniya matbuot xizmati xabar berdi.
Qarshi-Sankt-Peterburg-Qarshi yo‘nalishi bo‘yicha aviaqatnovlar haftada bir marta — dushanba kunlari amalga oshiriladi.
Birinchi aviareys joriy yilning 24-iyunidan boshlanishi rejalashtirilgan.
Parvozlar jadvali (mahalliy vaqt bilan) quyida keltirilgan:
- Qarshidan jo‘nab ketish — soat 09:35, Sankt-Peterburgga yetib borish -soat 12:50;
- Sankt-Peterburgdan jo‘nab ketish — soat 14:20, Qarshiga yetib borish — soat 21:05.
Bir tomonlama narxi 2,07 mln so‘mdan, borish-qaytish bo‘yicha esa 3,72 mln so‘mdan boshlanadi.
14-iyundan “Uzbekistan Airways” Toshkentdan Nijnevartovskka ham parvozlarni boshlaydi. Aviaqatnov haftada bir marotaba — juma kunlari amalga oshiriladi.
Bundan tashqari, Toshkentdan Vyetnamning Nyachang shahriga parvozlar yo‘lga qo‘yilmoqda.
Aviakompaniya Haj mavsumida Madinaga charter reyslarni amalga oshiradi. Yo‘lovchi parvozlari 23-maydan boshlanib, 7-iyungacha davom etadi.
