Bir necha yil ichida NamAgro Tech toshli tuproqda tashkil etilgan tajribaviy bog‘lardan to‘liq siklli yirik agrosanoat klasteriga aylandi. Siberian Wellness ko‘magida amalga oshirilayotgan ushbu loyiha xomashyo yetishtirish, uni qayta ishlash, ingrediyentlar tayyorlash va xalqaro standartlar asosida tayyor mahsulot ishlab chiqarishni o‘zida birlashtiradi. Bu esa, o‘z navbatida, yangi ish o‘rinlari yaratish, eksport salohiyatini oshirish hamda O‘zbekiston agrar sohasini rivojlantirishning yangi modelini shakllantirishga xizmat qiladi.
NamAgro Tech tarixi — xususiy investitsiyalar, zamonaviy texnologiyalar va uzoq muddatli strategiya O‘zbekistonda global darajadagi ishlab chiqarishni yaratish imkonini berishiga misol bo‘la oladi. Ushbu loyiha ilk bog‘larni barpo etishdan boshlanib, daladan savdo rastasiga qadar bo‘lgan jarayonlarni birlashtiruvchi ishlab chiqarish ekotizimini yaratishgacha bo‘lgan yo‘lni bosib o‘tdi. Bugungi kunda NamAgro Tech bu shunchaki fermerlik emas: bu texnologiya, malaka va mintaqaning barqaror rivojlanishiga sarmoya kiritishdir.
Loyiha tarixi
2010-yilda Siberian Wellness O‘zbekistonda vakolatxonasini ochdi. 2019-yilda Namangan viloyati hokimligi bilan shartnoma imzolanib, Chust tumanida birinchi 415 gektar intensiv bog‘lar barpo etildi. 2021-yilda to‘liq siklli ishlab chiqarish majmuasini qurish boshlandi, 2023-yilda olma konsentratini ishlab chiqarish liniyasi ishga tushirildi, shu yili Chortoq tumanida bog‘larni rivojlantirish bo‘yicha kelishuv imzolandi. 2024-yilda biologik faol qo‘shimchalar ishlab chiqarish boshlandi, 2025-yilda loyiha Chortoqda yangi mevali bog‘larni rivojlantirishga kirishdi — kompaniya bog‘larining umumiy maydoni 1100 gektardan oshdi.
NamAgro Tech xomashyo yetishtirishdan tortib qayta ishlash va ingrediyentlar ishlab chiqarishgacha uzluksiz integratsiyalashgan zanjirni yaratmoqda. Bog‘lar zamonaviy tomchilatib sug‘orish tizimlari va suvdan oqilona foydalanish amaliyotlari bilan taʼminlangan. Ishlab chiqarish maydonchasida olma konsentrati, pektinlar, oziq-ovqat tolalari va o‘simlik ekstraktlari, shuningdek, qattiq jelatinli kapsulalar va biologik faol qo‘shimchalar sanoati uchun ingrediyentlar ishlab chiqarilmoqda. Bunday integratsiya yuqori qo‘shilgan qiymatga ega mahsulotlar chiqarish va ularni eksportga tayyorlash imkonini beradi.
Loyiha ko‘lami raqamlarda
Bugungi kunda NamAgro Tech bog‘lari 1100 gektardan ziyod maydonni egallab, bog‘larda 284 mingdan ortiq mevali daraxtlar mavjud:
- 30 xil o‘rik navi;
- 16 xil gilos navi;
- 24 xil nektarin navi;
- 10 xil shaftoli navi.
Ularning ko‘pchiligi mintaqa uchun yangi bo‘lib, Yevropa mamlakatlaridan olib kelingan. O‘tgan yili umumiy hosil 1,4 mln kgni tashkil etdi. Loyihaning rejalashtirilgan bog‘lar quvvati yiliga 6 mln kg hosilga yetishi mumkin. Ushbu ko‘rsatkichlar fermer xo‘jaligi bazasining ham hajmini, ham nav xilma-xilligini namoyish etadi.
O‘zbekiston rivojiga investitsiyalar
NamAgro Tech nafaqat texnik modernizatsiya va infratuzilma qurilishiga, balki mintaqaning ijtimoiy-iqtisodiy rivojlanishiga qaratilgan uzoq muddatli investitsion loyiha hisoblanadi. Loyiha dala ishlaridan tortib yuqori texnologiyali ishlab chiqarish va laboratoriyalargacha bo‘lgan zanjirning barcha bosqichlarida ish o‘rinlarini yaratmoqda. Kompaniya mahalliy mutaxassislarni o‘qitish va malakasini oshirishga investitsiya kiritib, zamonaviy ishlab chiqarish amaliyotlari va uskunalarni hududga joriy etish jarayonlarini amalga oshiradi. Bu esa mintaqaning ishlab chiqarish salohiyatini mustahkamlab, O‘zbekistonning eksport imkoniyatlarini kengaytirishga xizmat qilmoqda. Mahalliy qayta ishlash xomashyo yetkazib berishda xorijiy ta’minotga qaramlikni kamaytirib, qo‘shilgan qiymatning mamlakat ichida saqlanib qolishiga xizmat qiladi.
Xalqaro standartlar
Xorijiy bozorga chiqish va mahsulot xavfsizligini taʼminlash uchun NamAgro Tech xalqaro standartlarga rioya qiladi. Ishlab chiqarish maydonchalari FSSC 22000, ISO 14001 va HALAL sertifikatlariga ega, bog‘lar esa GlobalG.A.P talablariga javob beradi. Ushbu sertifikatlar mahsulot xavfsizligi, sifat nazorati va ekologik boshqaruv bo‘yicha qat’iy talablarning bajarilishini tasdiqlaydi, bu esa mahsulotlarning xalqaro maydonda raqobatbardoshligini ta’minlaydi.
Loyiha barqaror qishloq xo‘jaligi tamoyillarini joriy etadi: tomchilatib sug‘orish tizimlari orqali suv resurslaridan samarali foydalanish, oqilona agrotexnika hamda joyida qayta ishlashni rivojlantirish, bu esa logistika xarajatlarini kamaytirib, atrof-muhitga salbiy taʼsirni pasaytiradi. Bunday chora-tadbirlar mintaqaning tuproq va suv resurslarini uzoq muddatli saqlashga qaratilgan va ishlab chiqarishning uglerod izini kamaytirishga yordam beradi.
NamAgro Tech strategiyasining bir qismi odamlar bilan ishlashga qaratilgan: kompaniya hudud aholisini faol ish bilan ta’minlaydi, kadrlar tayyorlash va ularning malakasini oshirish tizimini rivojlantirib, xavfsiz mehnat sharoitlarini yaratadi va inklyuziv bandlikni qo‘llab-quvvatlaydi. 2025-yilda loyiha teng imkoniyatlar yaratish va ijtimoiy mas’uliyatni rivojlantirishga qo‘shgan hissasi uchun Birinchi xonim tomonidan e’tirof etilgan “Inklyuziv ish beruvchi” sertifikatiga loyiq ko‘rildi. Bu tashabbuslar loyiha amalga oshirilayotgan hududlarda ijtimoiy barqarorlikni mustahkamlab, aholi turmush sifatini oshiradi.
Eʼtirof va mukofotlar
Kompaniya so‘nggi yillarda bir qancha mukofotlarga sazovor bo‘ldi:
- 2024-yil: “Yil brendi” mukofoti — agrosanoat sohasini rivojlantirishga qo‘shgan ulkan hissasi va xalqaro bozorlarga muvaffaqiyatli chiqqani uchun;
- 2025-yil: NamAgro Tech bosh direktori Bahrom Xodjimаtov “Faol tadbirkor” ko‘krak nishoni bilan mukofotlandi;
- 2025-yil: “Yil brendi” mukofoti — yuqori texnologiyali agrosanoat klasterini rivojlantirish, barqaror amaliyotlarni joriy etish va ishlab chiqarish salohiyatini kengaytirishga qo‘shgan hissasi uchun.
Eksport salohiyati va raqobatbardosh ustunliklar
Dalada ishlab chiqarish va qayta ishlash integratsiyasi, shuningdek, xalqaro sertifikatlarning mavjudligi eksport hajmini oshirish uchun qulay sharoit yaratadi. NamAgro Tech mahsulotlari — konsentratlar, oziq-ovqat ingrediyentlari, kapsulalar — yuqori sifat va xavfsizlik talablariga javob beradi. Bu esa qatʼiy tartibga soluvchi standartlarga ega bo‘lgan bozorlarga yo‘l ochadi. Mahalliylashtirilgan ishlab chiqarish eksport uchun to‘siqlarni kamaytiradi va loyihaning iqtisodiy samaradorligini oshiradi.
NamAgro Tech O‘zbekistonda agrosanoatni rivojlantirishning yangi modelini namoyon etmoqda — intensiv bog‘lar va tejamkor agrotexnikadan tortib, to‘liq siklli yuqori texnologiyali ishlab chiqarish liniyalarigacha bo‘lgan uzluksiz tizimni shakllantirmoqda. Bu shunchaki texnik taraqqiyot tarixi emas, balki ayni paytda insonlar, mintaqa va kelajak iqtisodiyotiga yo‘naltirilgan uzoq muddatli sarmoyalar namunasidir. Bugungi kunda NamAgro Tech O‘zbekiston mahsulotlarini yangi xalqaro bosqichlarga olib chiqishga qodir bo‘lgan barqaror, raqobatbardosh va ijtimoiy mas’uliyatli tarmoqni shakllantirmoqda.
Telefon: (+998) 78−113−87−67.
Sayt: uz.siberianhealth.com
Instagram: @namagrotech.uz
YouTube: @SiberianWellnessUzbekistan
Reklama huquqlari asosida.
