Vazirlar Mahkamasining qaroriga koʻra, Navoiyda oltin maʼdanlarni qazib olish va qayta ishlash kompleksi quriladi.
Investitsiya loyihasining qiymati $274 668,9 mingni tashkil etadi. Obyektni 2024-yil dekabr oyida foydalanishga topshirish yiliga tarkibida oltin boʻlgan 4 mln tonna hajmdagi maʼdanlarni qazib olish boʻyicha qoʻshimcha quvvatlar tashkil etish imkonini beradi.
Maʼlumotlarga koʻra, loyihani amalga oshirish uchun $245 070 ming miqdorida 5 yil muddatga uch yillik imtiyozli davr bilan xorijiy kreditlar jalb qilinadi.
Avvalroq Moliya vazirligi oltin uchun ETF chiqishini eʼlon qilgan edi.
