“Yangiyoʻl yogʻ-moy” AJ ustav kapitalidagi 56,32% davlat aksiya paketi “Toshkent” fond birjasi orqali ommaviy savdolarga chiqarildi. Bu haqda davlat aktivlarini boshqarish agentligi xabar bermoqda.
Mazkur aksiya paketi savdolari “bitta lot” tamoyili asosida 2021-yil 16-dekabr kuni “Toshkent” Respublika fond birjasida oʻtkaziladi.
Lot 73 ta bino va inshootlarni oʻz ichiga oladi, uning umumiy maydoni 10,8 gektar, ishlab chiqarish maydoni esa 15208 kv.m ni tashkil etadi.
- aksiyalar soni: 17 008 225 dona oddiy aksiyalar;
- boshlangʻich narxi: 81 907 927 163,12 soʻm.
Xabarda aytilishicha, korxona chigit, kungaboqar va masxar urugʻlaridan oʻsimlik yogʻi ishlab chiqarishga ixtisoslashgan. Barcha kommunikatsiya tarmoqlariga ega.
Avvalroq “Suvmash” AJ ustav kapitalidagi 47% aksiyalar paketi sotuvga qoʻyilgan edi.